سوێند بە ھەنجیرو زەیتون
وە سوێند بە طوری سینا
وە بەم شاری ئارام و بێ ترسە(کە مەککەیە)
سوێند بەخوا بەڕاستی مرۆڤمان دروستكرد لە جوانترین شێوەدا
لە پاشان (ئەگەر بێ باوەڕبێت) دەیخەینە بنی بنەوەی دۆزەخ
جگە لەوانەی کە بڕوایان ھێناوە وکردەوە چاکەکانیان کردووە، بۆ ئەوان ھەیە پاداشتی نەبڕاوە
جا ئیتر چی بێ باوەڕت دەکات بە ڕۆژی دوایی
ئایا خوا فەرمان ڕەواترینی ھەموو فەرمان ڕەواکان نیە ؟
(ئەی موحەممەد ﷺ) بخوێنە بە ناوی پەروەردگارتەوە کە ھەموو شتێکی دروست کردووە
مرۆڤی دروست کردوە لە خوێنێکی بەستوو
بخوێنە، پەروەردگاری تۆ(لە ھەموو کەس) بەخشندە ترە
ئەوەی کە(مرۆڤی) فێر(ی نووسین) کردووە بەقەڵەم
مرۆڤی شارەزا کردووە بەو شتانەی کە نەی دەزانی
نا (وانیە ) بەڕاستی مرۆڤ یاخی دەبێت
خۆی ببینێت كە دەوڵەمەند بووە
بێگومان ھەر بۆ لای پەروەردگاری تۆیە گەڕانەوە
ئایا بینیت ئەو کەسەی کە جڵەوگیریی ئەکات
لە بەندەیەک کەنوێژ بکات ؟
ئایا پێم بڵێ ئەگەر(ئەو کەسە) لەسەر ڕێی ڕاست بووایە
یان فەرمانی بدایە بەپارێزکاریی ولەخوا ترسان (باشتر نەبوو)
ئایا بینیت ئەگەر بڕوای(بە ئاینی ڕاست) نەبێت وپشتی لێ ھەڵکات (ڕزگاری دەبێ)
ئایا نەی زانیوە کەخوا دەی بینێت
وا نیە (کە بیری لێ دەکاتەوە) بە ڕاستی ئەگەر واز نەھێنێت ڕای دەکێشین (بە قژی) پێشەسەری
پێشەسەرێکی درۆزنی بە ھەڵەدا چوو
ئەمجا با ئەو بانگی ھاوڕێکانی خۆی بکات
ئێمەش بانگی فریشتەی زەبر بە دەست دەکەین
نەخێر، بە گوێی(ئەو کەسانە) مەکە، وە کوڕنوش بەرەو (لەخوا) نزیک بکەوەرەوە