سوێند بە ئاسمان وئەوەی کە لەشەوا دەردەکەوێت
تۆ چوزانیت دەرکەوتووی شەو چیە ؟
ئەستێرەی درەخشانی تاریکی کون کەرە
(سوێند بەمانە) کەس نیە کە چاودێرێکی بەسەرەوە نەبێت
دەی با مرۆڤ سەرنج بدات کە لەچی دروستكراوە
دروستكراوە لە ئاوێکی فڕێدراو (ھەڵقوڵاو)
کە دەردەچێت لە ناوەندی پشتی (پیاو) ودانەی (پەراسووی) سنگی (ژنەوە)
بەڕاستی خوا بەدەسەڵاتە لەسەر زیندوو کردنەوەی
لە ڕۆژێکدا کە ھەرچی نھێنی ھەیە ئاشکرا دەکرێت
ئەو نە ھێزێک شك دەبات ونە پشتیوانێك
سوێند بە ئاسمانی خاوەن باران
وە بەزەوی خاوەن درز وقڵییش
بێگومان ئەم(قورئانە)م وتەی ڕاست وجیاکەرەوەیە
وە گاڵتە نیە
بێگومان بێ بڕواکان (پیلان دەگێڕن) وفێڵ دەکەن چۆن فێڵ کردنێك
وە منیش پیلان دەگێڕم (ونەخشە دەکێشم لەبەرامبەر پیلانی ئەواندا) چۆن پیلان ونەخشە کێشانێك
ئەمجا (تۆش ئەی پێغەمبەر ﷺ) مۆڵەتی بێ بڕواکان بدە، منیش کەمێك لێیان دەوەستم (پاشان دەبینیت چیان بەسەر دەھێنم بە سزادانایان)
تەسبیحاتی پەروەردگاری ھەرە بڵندت بکە
ئەوەی(ھەموو شتێکی) دروستكردووە وڕێك وپێکی کردووە
وە ئەوەی کە نەخشەی کێشاوە(بۆ ھەموو شتێك) ئەمجا شارەزای کردووە
وە ئەوەی کە لەوەڕی دەرھێناوە
ئەمجا دەیکات بە پوشی ڕەش داگەڕاو
(ئەی موحەممەد ﷺ قورئانت) بەسەردا دەخوێنینەوە وھەرگیز لە بیرت ناچێتەوە
مەگەر ئەوەی کە خوا بیەوێت، بێگومان ئەو بە ھەموو شتێکی ئاشکرا وپەنھان ئاگادارە
وە یارمەتیت دەدەین بۆ ڕێی ئاسان
ئەمجا تۆش ھەردەم ئامۆژگاری بکە ئەگەر سوودی گەیاند
بێگومان ئەوەی لە خوا بترسێت پەندی لێ وەردەگرێ
وە ئەوەی زۆر خراپیش بێت خۆی لێ دوور دەخاتەوە
ئەوەی دەچێتە ناو ئاگری ھەرە گەورەوە
لەپاشان نە دەمرێت تێیدا (تا ڕزگاری بێت) وە نە دەژی (تێیدا بە ئاسایی)
بەڕاستی سەرفراز بوو ئەوەی کە خۆی پاك ڕاگرت
یادی پەروەردگاری خۆی دەكات وکەوتە نوێژ کردن (وپاڕایەوە)