کە بێگومان ئەمە قورئانێکی گەورە وبەڕێزە
لەناو کتێبێکی شاراوەدایە (کەلوح المحفوظه)
جگە لە (فریشتە) پاکەکان کەس دەستی لێ نادات
نێردراوەتە خوارەوە لە لایەن پەروەردگاری جیھانیانەوە
دەی ئایا ئێوە بەم قورئانە باوەڕ ناکەن
وە لەجیاتی سوپاسگوزاری لەسەر ڕۆزیتان ئێوە باوەڕ ناھێنن
دەی بۆچی کاتێك گیانی (نەخۆشەکەتان) دەگاتە گەرووی
وە ئێوە لەو کاتەدا تەماشا دەکەن
لەوکاتەدا (فریشتەکانمان) لە ئێوە نزیکترن لەو (کەسەی لەسەرە مەرگدایە) بەڵام ئێوە (فریشتەکانی) ئێمە نابینن
ئەگەر ئێوە (زیندوو ناکرێنەوەو)پاداشت نادرێنەوە؟
ڕۆحی (مردوەکەتان) بگێڕنەوە ئەگەر ڕاست دەکەن
ئەمجا ئەگەر ئەو (کەسەی لە گیانە ڵادایە) لەنزیکان بێ(لەخوا)
ئەوە حەسانەوە وبۆنی خۆش وبەھەشتی پڕ لەناز ونیعمەتی بۆ ھەیە
وە ئەگەر لەھاوەڵانی دەستی ڕاست بێت
ئەوە سەلامەتی و بێ زیانی بۆ تۆ (چونکە) تۆ لەیارانی دەستی ڕاستی
بەڵام ئەگەر لە بێ باوەڕانی گومڕا بێت
ئەوە(شوێنی) میوانداریەکەی ئێجگار گەرمە
وەچوونە ناو دۆزەخە
بەڕاستی ئەوەی (کـە لەم سورەتەدا باسکرا) حەق وبێـگومانە
جا کەواتە یاد وتەسبیحاتی پەروەردگاری گەورەی خۆت بەپاکی بکە
ھەرچی لەئاسمانەکان وزەویدا ھەیە تەسبیحاتی خوا دەکەن وە ھەر ئەوە باڵادەست وکار بەجێ
ھەر بۆ ئەوە دەسەڵات و خاوەنیەتی ئاسمانەکان و زەوی دەژێنی دەمرێنێ وە ئەو دەسەڵاتی بەسەر ھەموو شتێکدا ھەیە
ھەر ئەوە یەکەمینە (پێش ھەموو شتێك ھەبووە) وە ھەر ئەوە دواھەمینیشە و(پاشی ھەموو شتێك دەمێنێت) وە دیارو ئاشکرایە (بۆ خاوەن ھۆش وفامەکان بەبەڵگەکانی) وە پەنھان وشاراوەیە (لەچاوی بەندەکان وزانایە بەئاشکرا ونھێنیەکان) وە ئەو بەھەموو شتێك ئاگادارە